Johan Visser – alombekend as Vissie…. Daar is seker nie n musikant of iemand in die musiekbedryf wie nie vir Vissie ken nie. Baie musikante koop hulle instrumente en klanktoerusting by Musiek Wêreld in Kaapstad…eintlik koop mense by Vissie want Vissie en sy span wéét van musiekinstrumente en musiek!!

Hyself is n talentvolle en gerekende musikant. Klipwerf Orkes en Vissie kom al oor baie jare aan en ons is trots om te kan sê dat ons met hierdie groot gees in die musiekbedryf kan besigheid doen! Vissie ons waardeer jou en jou span by Musiek Wêreld opreg vir goeie besigheid en vriendskap.

Besoek gerus vir Musiek Wêreld vir al julle aankope in die musiek bedryf.

Musiek Wêreld, Maritzstraat 17, Bellville |   021 – 949 4070 | www.musiekwereld.co.za

Oom Nichol Louw is gebore en getoë in die Hantam. Hy is n boerseun in murg en been. Afkomstig van die plaas Teefontein in die Calvinia distrik.

Net so lief soos wat hy vir boerdery is, nét so lief is hy vir musiek!! Hy was op sy dae n musikant van formaat en het self n orkes van sy eie gehad.

Oom Nichol Louw het n enorme invloed op die jong Kobus Visagie se musiekloopbaan gehad.

Kobus sê dat hy ongelooflik baie by hierdie groot vriend van hom geleer het. Nie nét om seker te maak dat jou ritme en tyd waarmee jy speel van hoogste kwaliteit moet wees nie maar van wat ágter die musiek eintlik gebeur.

Oom Nichol, dankie vir jou lieflike vriendskap en dat jy n wáre ondersteuner van Klipwerf Orkes is!!