KLIPWERF ORKES

Klipwerf Orkes is die mees bekende orkes in SA waarvan jy nog nooit gehoor het nie.
Ons is ‘n trotse, Suid Afrikaanse, musiekgroep wat boeremusiek speel.
Gestig in 1969 uit ‘n blote boereliefde vir musiek en waardering vir besonderse vriendskappe.

MAAK 'N BESPREKING

LAAI POSTER AF

KLIPWERF ALBUMS

MEER OOR DIE ORKES

HANTAM BERGE

Ou Hantamland.
Ou Hantamland, ons geboorte land… Land van vars bergwater… Land van droogtes… Land van malse blommeprag maar ook land van ‘n wolkelose hemel.
Hier leer kinders aan moedersknie van vasbyt, vasvat, vorentoe beur, van weer probeer.
In ons ou Hantamland word seuns en dogters groot gemaak met ‘n ingesteldheid en gees van vooruitgang. Hier weet ons om ‘n traan van dankbaarheid te stort as die eerste reëns val en die ooie begin lam. Hier weet ons om dankie te sê aan Hom wat vir ons voorsien.

Vanaand verlang ek na my ou Hantamland…na daar waar die son gaan slaap en ek kan luister na die nag se geluide… waar ek kan lê om sateliete in die hemelruim te soek en waar ek kan sterre pluk totdat die slaap snoesig met my lepel lê.
Vanaand verlang ek na my Hartland… ons ou Hantamland.